Մեքսիկան մերժել է ներգաղթյալների ամերիկյան ինքնաթիռի վայրէջքը

Մեքսիկան մերժել է ամերիկյան ռազմական ինքնաթիռի վայրէջքի թույլտվությունը՝ ժամանակավորապես խափանելով ԱՄՆ նախագահ Դոնալդ Թրամփի վարչակազմի՝ անօրինական միգրանտներին արտաքսելու ծրագրերը: Այս մասին հաղորդում է «NBC News»-ը։

ԱՄՆ ռազմաօդային ուժերի երկու C-17 ինքնաթիռ, որոնք տեղափոխում էին արտաքսված միգրանտներ, մեկնել են Գվատեմալա: Երրորդ չվերթը, որը նախատեսված էր դեպի Մեքսիկա, այդպես էլ չի իրականացվել: 

Մեքսիկայի կառավարությունը հայտարարել է, որ դեմ է ԱՄՆ-ի միակողմանի միջոցառումներին, ներառյալ «Մնա Մեքսիկայում» քաղաքականության վերսկսմանը: