Թե ինչ կլինի հետո, կհասկանանք. Միրզոյան
ԵՄ-ին անդամակցելու գործընթացի մեկնարկին, չի խոսվում որևէ ժամկետի կամ կոնկրետ մեխանիզմի մասին: Այսօր ՌԴ ԱԳ նախարար Սերգեյ Լավրովի հետ համատեղ մամուլի ասուլիսի ժամանակ այս մասին հայտարարեց ՀՀ արտգործնախարար Արարատ Միրզոյանը։
Նա շեշտեց՝ օրինագիծը հրապարակային փաստաթուղթ է։ Արտախորհրդարանական քաղաքական ուժերը հավաքագրել են անհրաժեշտ 60 հազար ստորագրություններն ու նախաձեռնությունը մեխանիկորեն վերածվել է օրինագծի։ Այն արդեն պետք է քննարկվի խորհրդարանում։
«Կառավարությունը հավանություն է տվել օրինագծին։ Ենթադրվում է, որ իշխող մեծամասնությունը կողմ կքվեարկի, և այսքանը։ Թե ինչ կլինի հետո, կհասկանանք։ Այս օրինագիծն այլ բան չի ենթադրում»,- ասաց Միրզոյանը։
Հայաստանի արտգործնախարարը նշեց, որ ԵՄ-ին անդամակցելու դեպքում ԵԱՏՄ-ի հետ հնարավոր հակասությունների մասին չի կարող դատողություններ անել։ Նրա խոսքով՝ նման հարց կքննարկվի, եթե նման հակասություններ առաջանան։
