Պետք է անհապաղ դադարեցնել հակամարտությունը ՌԴ–ի և Ուկրաինայի միջև. ԱՄՆ պետքարտուղար
ԱՄՆ պետքարտուղար Մարկո Ռուբիոն ասել է, որ անհրաժեշտ է անհապաղ դադարեցնել հակամարտությունը Ռուսաստանի և Ուկրաինայի միջև։ Այս մասին հայտնում է ABC News–ը:
«Լսեք, սա բարդ ու ողբերգական հակամարտություն է, որը սկսել է Վլադիմիր Պուտինը։ Հակամարտությունը հսկայական վնաս է հասցրել Ուկրաինային, ինչպես նաև, իմ կարծիքով, Ռուսաստանին, խաթարել է Եվրոպայի կայունությունը»,- ասել է Ռուբիոն։
«Այս հարցերի լուծման միակ ճանապարհը պրագմատիզմին և լուրջ մոտեցմանը վերադառնալն է, իսկ դա նշանակում է քրտնաջան աշխատել դիվանագիտության ոլորտում։ ԱՄՆ-ն այստեղ դերակատարում ունի: Մենք աջակցել ենք Ուկրաինային, բայց այս հակամարտությունը պետք է ավարտվի»,- հավելել է նա։
