Մեքսիկան կվերադարձնի ԱՄՆ–ի հետ սահմանին մնացած միգրանտներին. նախագահ

Մեքսիկան իրենց ծագման երկրներ կվերադարձնի այն միգրանտներին, ովքեր «տուժել են ԱՄՆ-ի միջոցներից»։ Այս մասին հայտարարել է Մեքսիկայի նախագահ Կլաուդիա Շեյնբաումը։

«Սա հումանիտար մտահոգության հարց է: Եթե այդ մարդիկ գտնվում են Մեքսիկայի հողում, մենք հոգում ենք նրանց մասին հումանիտար նկատառումներից ելնելով», - մեջբերում է CNN-ը Շեյնբաումի խոսքերը:

Մեքսիկայի ղեկավարն ընդգծել է, որ միգրանտների վերադարձը կլինի կամավոր և տեղի կունենա Լատինական Ամերիկայի տարբեր երկրների հետ պայմանավորվածությունների շրջանակում։

Ավելի վաղ հայտնի էր դարձել, որ ԱՄՆ-Մեքսիկա սահմանային անցակետերից մեկը ժամանակավորապես փակվել էր Դոնալդ Թրամփի երդման արարողությունից րոպեներ առաջ։

Ավելի վաղ Թրամփը հայտարարել էր, որ արտակարգ դրություն է հայտարարում ԱՄՆ հարավային սահմաններին։