Իլոն Մասկն ավարտել է ելույթը տարօրինակ ժեստով

SpaceX-ի և Tesla-ի հիմնադիր Իլոն Մասկը կարճ ելույթ է ունեցել Դոնալդ Թրամփի երդմնակալությունից հետո, որը երկու անգամ ավարտվել է «նացիստական ժեստով», գրում է Meduza–ն:։

«Այս ընտրություններն իսկապես կարևոր են: Ես պարզապես ուզում եմ շնորհակալություն հայտնել ձեզ դա հնարավոր դարձնելու համար: Շնորհակալություն։ Իմ սիրտը ձեզ հետ է։ Ձեր շնորհիվ քաղաքակրթության ապագան ապահովված է», - ասել է Մասկը Վաշինգտոնի Capital One Arena-ի բեմում, որտեղ ավելի վաղ տեղի էր ունեցել Թրամփի երդմնակալության արարողությունը:

Իր կարճ ելույթի ժամանակ Մասկը աջ ձեռքը դրել է կրծքին և կտրուկ ժեստով վեր ուղղել այն, ապա կրկնել նույնը հանդիսատեսի մյուս մասի համար՝ արժանանալով ներկաների ծափահարություններին։

CNN-ի հաղորդավար Էրին Բերնեթը Մասկի ողջույնն անվանել է «տարօրինակ»: Իսրայելական լրատվամիջոցները նրա ժեստը անվանել են «ֆաշիստական ​​ողջույն»։ Ինքը՝ Մասկը, իր ելույթի ամբողջական տեսագրությունը տեղադրել է սոցիալական ցանցի իր X–յան էջում՝ առանց մեկնաբանության։