Խորապես վշտացած ենք Բոլուի ողբերգական հրդեհից. ՀՀ ԱԳՆ
ՀՀ ԱԳՆ–ն X–ի իր էջում գրառում է արել՝ անդրադառնալով Թուրքիայում տեղի ունեցած ողբերգական դեպքին:
«Խորապես վշտացած ենք Բոլուի ողբերգական հրդեհից, որը տասնյակ կյանքեր խլեց։ Մեր մտքերը զոհերի և նրանց ընտանիքների հետ են: Վիրավորներին մաղթում ենք շուտափույթ ապաքինում»,– նշվում է նախարարության՝ X–ի էջում արված գրառման մեջ:
Հիշեցնենք, որ Թուրքիայի լեռնադահուկային հանգստավայրում բռնկված հրդեհի հետևանքով զոհերի թիվը հասել է 66-ի, տուժել է 51 մարդ:
