Մեքենան թռել է ջրանցքը. ջրի հոսանքը վարորդին քշել-տարել է. ՌԴ
Ռուսաստանի Սանկտ Պետերբուրգ քաղաքում մեքենան թռել է Օբվոդնի ջրանցքը։ Վթարի նախնական պատճառը եղել է այն, որ կինը բախումից հետո խառնել է ոտնակները։ Այս մասին հայտնում են տեղի լրատվամիջոցները:
Ականատեսները նշել են, որ կինը մեքենայով անցնելիս է եղել խաչմերուկով, երբ բախվել է մեկ այլ մեքենայի ։ Այնուհետև վարորդը սեղմել է գազի ոտնակը, ճեղքել ցանկապատն ու ընկել ջուրը։
Երբ մեքենան դանդաղ խորտակվել է, ջրի հոսանքը վարորդին քշել-տարել է։ Կամավորները կարողացել են պարանով դուրս բերել վարորդին:
Սա 24 ժամվա ընթացքում երկրորդ նման վթարն է։
