TikTok-ի գործադիր տնօրենը շնորհակալություն է հայտնել Թրամփին

TikTok-ի գործադիր տնօրեն Շոու Ցզու Չուն շնորհակալություն է հայտնել ԱՄՆ նորընտիր նախագահ Դոնալդ Թրամփին ընկերության հետ «աշխատելու մտադրության» համար կապված ԱՄՆ-ում հարթակի հասանելիության հարցի լուծման հետ։ Այս մասին գրում է РИА Новости-ն։

«TikTok-ում բոլորի և ողջ երկրում մեր բոլոր օգտատերերի անունից ուզում եմ շնորհակալություն հայտնել նախագահ Թրամփին մեզ հետ աշխատելու իր հանձնառության համար՝ TikTok-ը Միացյալ Նահանգներում հասանելի պահելու հարցին լուծում տալու նպատակով», - ասել է գործադիր տնօրենը TikTok-ում հրապարակված տեսանյութում։

Ավելի վաղ Սպիտակ տունը հայտարարել էր, որ չինական TikTok սոցիալական հարթակի ճակատագրի վերաբերյալ վերջնական որոշումը պետք է կայացնի Դոնալդ Թրամփի գլխավորած նոր վարչակազմը՝ արգելքի ուժի մեջ մտնելու ժամկետների պատճառով։

«Ի վերջո, ամեն ինչ կախված է ինձանից, այնպես որ դուք կտեսնեք, թե ինչ եմ անելու», - ասել է Թրամփը` մեկնաբանելով TikTok-ի շուրջ ստեղծված իրավիճակը։