ԱՄՆ–ում TikTok–ի ճակատագիրը կորոշի Դոնալդ Թրամփը
Ուրբաթ օրը Սպիտակ տունը հայտարարել է, որ չինական TikTok սոցիալական մեդիայի հարթակի ճակատագրի վերաբերյալ վերջնական որոշումը պետք է կայացնի Դոնալդ Թրամփի գլխավորած նոր վարչակազմը՝ արգելքի ուժի մեջ մտնելու ժամկետների պատճառով: Այս մասին գրում է РИА Новости–ն:
Ավելի վաղ ԱՄՆ Գերագույն դատարանը մերժել էր TikTok-ի խնդրանքը՝ կասեցնել հունվարի 19-ից ԱՄՆ-ում արգելքի ուժի մեջ մտնելը։ Ընկերությունը պնդում էր, որ արգելքը խախտում է խոսքի ազատությունը՝ համաձայն ԱՄՆ Սահմանադրության:
Դոնալդ Թրամփը պաշտոնը ստանձնում է հունվարի 20-ին։
«Հաշվի առնելով ժամկետների ակնհայտ փաստը, ներկայիս վարչակազմը գիտակցում է, որ օրենքի կիրառմանն ուղղված գործողությունները պարզապես վերաբերվելու են հաջորդ վարչակազմին, որը պաշտոնը կստանձնի երկուշաբթի օրը», - ասվում է Սպիտակ տան հայտարարության մեջ:
Սպիտակ տունը պնդում է, որ «TikTok-ը պետք է հասանելի մնա ամերիկացիներին, բայց պարզապես ԱՄՆ-ի կամ այլ սեփականության ներքո»՝ դրանով իսկ անդրադառնալով Կոնգրեսի կողմից այս օրենքը մշակելիս ազգային անվտանգության մտահոգություններին»:
Թրամփն արդեն արձագանքել է Գերագույն դատարանի և Սպիտակ տան որոշմանը, CNN-ին ասելով, որ ինքը կկայացնի իր որոշումը։
«Ի վերջո, ամեն ինչ կախված է ինձանից, այնպես որ դուք կտեսնեք, թե ինչ եմ անելու», - ասել նա:
