Գրենլանդիան չի ցանկանում լինել ԱՄՆ կազմում. վարչապետ
Գրենլանդիան չի ցանկանում լինել ԱՄՆ-ի կազմում, սակայն պատրաստ է ամրապնդել համագործակցությունը, Fox News-ին տված հարցազրույցում ասել է կղզու վարչապետ Մութե Էգեդեն։
«Մենք չենք ցանկանում լինել ամերիկացիներ, մենք չենք ցանկանում լինել Միացյալ Նահանգների մի մասը, բայց մենք ցանկանում ենք ամուր համագործակցություն Միացյալ Նահանգների հետ»,- ասել է նա։
Էգեդեն հավելել է, որ Գրենլանդիան միշտ կմնա ՆԱՏՕ-ի մաս։
Բացի այդ, ըստ պաշտոնյայի՝ Գրենլանդիան Վաշինգտոնին առաջարկելու շատ բան ունի և, հետևաբար, բաց է ռեսուրսների արդյունահանման ոլորտում ամերիկյան ներդրումների համար:
