Տարածաշրջանում այլ ուժերի ներկայությունը խնդիրներ է ստեղծում. Փեզեշքիանը՝ Պուտինին

Տարածաշրջանում արտաքին ուժերի ներկայությունը կարող է միայն ապակայունացնել իրավիճակը: Այս մասին Մոսկվայում Ռուսաստանի նախագահ Վլադիմիր Պուտինի հետ հանդիպման ժամանակ հայտարարել է Իրանի նախագահ Մասուդ Փեզեշքիանը։ 

«Ես և Իրանի գերագույն առաջնորդը կարծում ենք, որ մեր տարածաշրջանային խնդիրները պետք է լուծվեն միայն տարածաշրջանային երկրների միջև պայմանավորվածությունների միջոցով», - ասել է ԻԻՀ նախագահը:

Նա ընդգծել է, որ Ռուսաստանի հետ երկկողմ հարաբերությունները ռազմավարական կարևոր և համապարփակ բնույթ են կրում: Իրանական կողմը մտադիր է շարունակել սերտ երկխոսությունը։

Հավելենք, որ բանակցությունների արդյունքում Պուտինն ու Փեզեշքիանը Ռուսաստանի և Իրանի միջև համապարփակ ռազմավարական գործընկերության մասին պայմանագիր կստորագրեն: