Ջո Բայդենը՝ Գազայում հաստատված հրադադարի համաձայնագրի մասին
Իսրայելի և ՀԱՄԱՍ-ի միջև Գազայում հրադադարի մասին համաձայնագիրը ներառում է պատանդների ազատ արձակում, ռազմական գործողությունների դադարեցում և հումանիտար օգնության շտապ առաքում պաղեստինցիներին, ասվում է ԱՄՆ նախագահ Ջո Բայդենի հայտարարության մեջ։ Այս մասին գրում է ТАСС–ը:
«Այս համաձայնագիրը կդադարեցնի մարտերը Գազայում, հրատապ հումանիտար օգնություն կտրամադրի պաղեստինցի խաղաղ բնակիչներին և կվերամիավորի պատանդներին իրենց ընտանիքների հետ ավելի քան 15 ամիս գերությունից հետո»,- ասել է Բայդենը։
Բայդենը հույս է հայտնել, որ տարածաշրջանում խաղաղության և անվտանգության ապահովմանն ուղղված աշխատանքները շուտով կսկսվեն՝ հավելելով, որ ամերիկյան կողմը կշարունակի ջանքերը՝ իր բոլոր քաղաքացիներին հայրենիք վերադարձնելու ուղղությամբ։
Երկրի ղեկավարը նաև հայտարարել է, որ մտադիր է շուտով հանդես գալ այս թեմայով։
