Նոր կարգավորում՝ QR կոդերով վճարումների համար. ԿԲ

ՀՀ կենտրոնական բանկի խորհրդի որոշմամբ սահմանվել է QR կոդերի կիրառմամբ վճարումներ և փոխանցումներ կատարելու փոխգործելիության պահանջ, որն ուժի մեջ կմտնի 2025 թ․ հոկտեմբերի 1-ից։

Ինչ է նախատեսում նոր կարգավորումը

Առևտրի և/կամ ծառայությունների մատուցման կետերում, մեկ միասնական QR կոդի միջոցով, հնարավոր կլինի վճարումներ կատարել բոլոր այն ֆինանսական կազմակերպությունների հավելվածներով, որոնք տրամադրում են QR-ով վճարման հնարավորություն։ Սա նշանակում է, որ այլևս պետք չէ անհանգստանալ, թե որ հավելվածն օգտագործել՝ վճարումը կդառնա պարզ, հարմար և հասանելի։

Կարգավորման նպատակը

Նոր մոտեցումը նպատակ ունի՝ հեշտացնել և արդյունավետ դարձնել QR կոդերով վճարումների գործընթացը։ Խրախուսել անկանխիկ վճարումների տարածումը։ Նպաստել ֆինանսական ծառայությունների առավել ներառական և մատչելի միջավայրի ձևավորմանը։

Ուշադրություն

Այս կարգավորումը վերաբերում է բացառապես վճարային ՔՅՈւԱՐ կոդերին և չի տարածվում ապրանքային QR կոդերի վրա (օրինակ՝ հանրային տրանսպորտում կիրառվող QR կոդերը)