Նեթանյահուն կարող է վերջին պահին խափանել Գազայի հրադադարի համաձայնագիրը. փորձագետ

Իսրայելի վարչապետ Բենիամին Նեթանյահուն կարող է վերջին պահին խափանել Գազայի հրադադարի համաձայնագիրը՝ նոր պայմաններ դնելով, թեև բանակցությունների ներկա փուլն ընթանում է ավելի դրական մթնոլորտում, քան նախկինում էր։ ТАСС-ի թղթակցի հետ զրույցում նման կարծիք է հայտնել Եգիպտոսի քաղաքական և ռազմավարական հետազոտությունների կենտրոնի «Ալ-Ահրամ» քաղաքական դիտորդ Բաշիր Աբդել Ֆաթթահը։

«Բանակցությունների ներկա փուլն ընթանում է մի փոքր այլ կերպ և ավելի դրական, քան նախորդները, բայց ինձ թվում է, որ համաձայնության հասնելը հակասում է Նեթանյահուի իրական նպատակներին: Կարծում եմ, որ գործարք կնքելուց անմիջապես առաջ նա առաջ կքաշի նոր պայմաններ, որոնք դժվար կլինի իրականացնել ՀԱՄԱՍ-ի համար, և մյուս կողմին կմեղադրի այն բանի համար, որ համաձայնություն երբեք չի կայացել»,- կարծում է Աբդել Ֆաթթահը։ Նա համոզված է, որ Իսրայելի վարչապետը «չի համաձայնի Գազայում կրակի ամբողջական դադարեցմանը և այնտեղից ռազմական ուժերի դուրսբերմանը», և հետևաբար կարող է «վերջին պահին ՀԱՄԱՍ–ին մեղադրել այն համաձայնությունը խաթարելու մեջ, որին ինքը, իբր, պատրաստ է եղել»։