Մոսկվան ուշադիր կհետևի այդ գործողությունների հետևանքներին․ Պեսկով

«Ռոսատոմ» պետական կորպորացիան կշարունակի իր միջազգային գործունեությունը, քանի որ ատոմային էներգետիկայի ոլորտում առաջատարներից մեկն է: Այս մասին լրագրողներին ասել Է Կրեմլի պաշտոնական ներկայացուցիչ Դմիտրի Պեսկովը՝ մեկնաբանելով այդ ոլորտին առնչվող նոր հակառուսական պատժամիջոցները։

«Մենք ելնում ենք նրանից, որ «Ռոսատոմը» կշարունակի միջազգային գործունեությունը։ Այն Միջազգային ատոմային շուկայի անվիճելի առաջատարներից մեկն է։ Այն շատ տեխնոլոգիական առավելություններ ունի», - ասել Է Պեսկովը։

Նրա կարծիքով՝ ԱՄՆ նախագահ Ջո Բայդենի վարչակազմը մինչև վերջին օրը Սպիտակ տանը կփորձի խարխլել ռուսական ընկերությունների դիրքերը՝ վատագույն ժառանգություն թողնելու համար:

Մոսկվան ուշադիր կհետևի այդ գործողությունների հետեւանքներին, հավելել է Կրեմլի ներկայացուցիչը:

Հունվարի 10-ին ԱՄՆ-ը պատժամիջոցներ է սահմանել Ռուսաստանից ածխաջրածինների տեղափոխման գործում ներգրավված մոտ 100 նավերի դեմ: Նոր պատժամիջոցների շրջանակում սահմանափակվել է ավելի քան 30 ռուսական նավթասպասարկման ընկերություն։