Կեղծ ահազանգեր տարհանաման հետ կապված. զգուշացում
Լոս Անջելեսի արտակարգ իրավիճակների վարչությունը ներողություն է խնդրել այն բանից հետո, երբ տարհանման մասին սխալ նախազգուշացումներն անհանգստություն են առաջացրել քաղաքում:
Միլիոնավոր բջջային հեռախոսների ահազանգեր են եկել, որ մարդկանց կոչ են անում պատրաստվել տարհանմանը:
«Այս մասին հայտնում է արտակարգ իրավիճակների նախարարության փրկարար ծառայությունը: Ձեր տարածքում հայտարարվել Է տարհանման նախազգուշացում», - ասվում է տարածված հաղորդագրության մեջ, այդ թվում՝ վտանգավոր տարածքներից հեռու գտնվող տարածքներում:
«Հետևեք ցանկացած սպառնալիքի և պատրաստ եղեք տարհանման։ Վերցրեք ձեզ հետ ձեր սիրելիներին, ընտանի կենդանիներին և անհրաժեշտ պարագաները»:
Հավելենք` 11 մարդ Է զոհվել, հարյուրավոր շինություններ ավերվել են մասշտաբային հրդեհների հետևանքով: Ահազանգման համակարգը առաջին միջոցն էր, որով շատ բնակիչներ իմացան հրդեհների և շտապ փախուստի անհրաժեշտության մասին:
Ներկայումս տարածաշրջանում գործում են մոտ 153,000 մարդու պարտադիր տարհանման հրամաններ: Քսան րոպե անց ուղղումն ուղարկվել է՝ պարզաբանելով, որ ահազանգը պայմանավորված է միայն Նյու Քենեթում բռնկված հրդեհով, որը բռնկվել է քաղաքից հյուսիս:
Այնուամենայնիվ, ուրբաթ առավոտյան ժամը 4-ի սահմաններում նմանատիպ կեղծ հաղորդագրություն տարածվեց:
Լոս Անջելեսի շրջանային արտակարգ իրավիճակների վարչության տնօրեն Քեվին Մաքգոունը ասում է, որ ավտոմատ սխալները «հիասթափություն, զայրույթ և վախ» են առաջացրել մարդկանց շրջանում:
Նշենք` հրդեհների մարման աշխատանքները շարունակվում են։ Օգտվելով քամիների ժամանակավոր դադարից՝ գործի են դրվել ջրատար ուղղաթիռներ:
