Մարկ Ցուկերբերգը կվերադարձնի Facebook-ի և Instagram-ի «խոսքի ազատությունը»
META ընկերության գլխավոր գործադիր տնօրեն Մարկ Ցուկերբերգը խոստացել է Facebook և Instagram սոցիալական հարթակներին «վերադարձնել խոսքի ազատությունը»:
«Մենք կվերադառնանք մեր արմատներին, կկենտրոնանանք սխալները նվազագույնի հասցնելու վրա, կհեշտացնենք բովանդակություն հրապարակելու կանոնները և կվերականգնենք մտքերի արտահայտման ազատությունը մեր հարթակներում»,- նշել է Ցուկերբերգը:
Նա հավելել է, որ առաջին հերթին կփոխվի փաստերի ստուգման առկա ընթացակարգը, և դա կսկսվի ԱՄՆ-ից: «Նույնիսկ եթե գրառումների 1 %-ն է գրաքննվում, դա ազդում է միլիոնավոր օգտատերերի վրա: Ամեն ինչ հանգեցրեց նրան, որ սխալներն ու գրաքննությունը չափազանց շատ են»,- ասել է META-ի տնօրենը:
Նա նաև նշել է, որ ԱՄՆ-ում նախագահի վերջին ընտրությունը դարձել է «մշակութային ջրբաժան», և քննադատել է այն սահմանափակումները, որոնք մինչ այժմ գործում են իր հարթակներում:
