Թուրքիայի և Ուկրաինայի ԱԳՆ ղեկավարները հեռախոսազրույց են ունեցել
Հեռախոսազրույց են ունեցել Թուրքիայի և Ուկրաինայի արտաքին գործերի նախարարները:
Ինչպես գրում են ռուսական ԶԼՄ–ները, Հաքան Ֆիդանն ու Անդրիյ Սիբիհան քննարկել են երկկողմ օրակարգի հարցեր, ռուս-ուկրաինական հակամարտության շուրջ ստեղծված իրավիճակը, ինչպես նաև Սև ծովում անվտանգության խնդիրները:
Երկու երկրների ԱԳՆ ղեկավարները նաև անդրադարձել են Մերձավոր Արևելքում տարածաշրջանային կայունությանը, մասնավորապես՝ Սիրիայում տիրող իրավիճակին:
Սիբիհան հայտնել է, որ Ֆիդանի հետ պայմանավորվել են համակարգված աշխատել՝ է՛լ ավելի ամրապնդելու երկու երկրների ռազմավարական գործընկերությունը:
