Թրամփը կարող է որոշիչ դեր խաղալ․ Զելենսկի

Ուկրաինայի առաջնորդ Վլադիմիր Զելենսկին հինգշաբթի օրը հայտարարել է, որ ԱՄՆ նորընտիր նախագահ Դոնալդ Թրամփը կարող է վճռորոշ դեր խաղալ Ռուսաստանի հետ 34-ամսյա պատերազմի ելքի գործում և օգնել կանգնեցնել Կրեմլի առաջնորդ Վլադիմիր Պուտինին:

Զելենսկին Ուկրաինական հեռուստատեսությանը տված հարցազրույցում մեջբերել է հենց Դոնալդ Թրամփի խոսքերը որը, ըստ Ուկրաինայի նախագահի, նրան հրավիրել է Վաշինգտոն հունվարի վերջին երդմնակալությունից անմիջապես հետո:

«Թրամփն ինձ ասել է. «առաջին այցելողնրից կուզեմ հենց դուք լինեք»։ Նա ասաց, որ իր համար առաջնահերթություն է պատերազմն ավարտելը, և նա դա կանի»,- ասել է Զելենսկին ։

Զելենսկին նաև նշել է, որ այժմ առաջնահերթությունը առաջնագծի կայունացումն է ։ Պուտինը, Նրա խոսքով, վախենում է բանակցություններից, քանի որ դրանք հավասարազոր կլինեին Ռուսաստանի պարտությանը:

«Թրամփը կարող է որոշիչ լինել։ Մեզ համար դա ամենակարևորն է։ Նա, նրա որակները, նրանք այդպիսին են: Նա կարող է վճռորոշ լինել այս պատերազմում։ Նա ի վիճակի է կանգնեցնել Պուտինին, ավելի արդար ասել, օգնել մեզ կանգնեցնել Պուտինին։ Նա կարող է դա անել»,- ասել է Զելենսկին։