Վրաստանի նախագահը ստորագրել է մի շարք սահմանափակող օրենքներ

Վրաստանի նորընտիր նախագահ Միխայիլ Կավելաշվիլին ստորագրել է մի շարք սահմանափակող օրենքներ։ Դրանցից են՝ ճանապարհների կազմակերպված փակում կամ խմբային տեղաշարժերի մասնակցություն, երբ երթևեկելի հատվածն ամբողջությամբ արգելափակվում է, քաղաքի արտաքին տեսքը փչացնող բողոքի տրաֆարետների և գրությունների չարտոնված տեղադրում, «Ներքին գործերի նախարարության համակարգում սահմանված», հավաքների և ցույցերի ժամանակ պիրոտեխնիկայի և լազերների օգտագործումը, որոնք կարող են խանգարել ոստիկանության գործունեությանը։

Ինչպես նաև նախագահ Կավելաշվիլին արգելել է դեմքը դիմակով փակելը ցույցերի ժամանակ։

Կարգելվի՝ շենքերի ճակատներին, ցուցափեղկերին, ցանկապատերին, սյուներին, ծառերին ինքնակամ մակագրություններ, գծանկարներ, խորհրդանիշներ փակցնելը, ինչպես նաև դրա համար չնախատեսված վայրերում պաստառների, կարգախոսների տեղադրումը;

Վարչական մարմինների շենքերի ճակատներին, ինչպես նաև դրանց հարակից տարածքում ինքնակամ մակագրություններ, գծանկարներ, խորհրդանիշեր կիրառելը նույնպես արգելվում է: