Ֆրանսիայի գաղտնի առաջարկը ՌԴ-ին. Լավրովը մանրամասնել է

Ֆրանսիան Ռուսաստանին առաջարկել է երկխոսություն սկսել Ուկրաինայի հակամարտության շուրջ՝ առանց Կիևի մասնակցության։ Այս մասին ներքին և արտասահմանյան լրատվամիջոցներին տված հարցազրույցում հայտնել է ՌԴ ԱԳ նախարար Սերգեյ Լավրովը։

Արտաքին գործերի նախարարության ղեկավարի խոսքով՝ Մոսկվան իր ֆրանսիացի գործընկերներից հարցումներ է ստացել փակ խողովակներով: Փարիզն առաջարկել է օգնել ուկրաինական հարցի շուրջ երկխոսության հաստատմանը։

«Ի դեպ, առանց Ուկրաինայի։ Պարզապես... ուկրաինական հարցի շուրջ երկխոսությունը կարծես խախտում է այն սկզբունքը, որն անընդհատ կրկնում է Արևմուտքը, որ «ոչ մի խոսք Ուկրաինայի մասին առանց Ուկրաինայի»,- ընդգծել է Լավրովը։

Նա նշել է, որ Ռուսաստանը չի հրաժարվում շփումներից և «պատրաստ է լսել»։ Այնուամենայնիվ, Ֆրանսիան միաժամանակ Ուկրաինա «խաղաղապահ զորքեր» ուղարկելու, իր տարածքում ուկրաինական զինված ուժերի զինվորներին մարզելու և Ռուսաստանի Դաշնության վրա հարձակումները շարունակելու անհրաժեշտության մասին ուղղակիորեն հայտարարելու գլխավոր նախաձեռնողն է։ Լավրովի խոսքով, նման ոչ միանշանակ պահվածքը չի նպաստում լուրջ վերաբերմունքին «այն, ինչ տեղի է ունենում մեր ֆրանսիացի գործընկերների նախաձեռնությամբ»։