ՏԵՍԱՆՅՈՒԹ. Տարօրինակ անցքեր` կործանված ինքնաթիռի վրա

Ղասախստանի Ակտաու քաղաքում կործանված ադրբեջանական ինքնաթիռի վրա տարօրինակ անցքեր են նկատել: Այս մասին հայտնում են տելեգրամյան ալիքները:

Համացանցում շրջանառվում է տեսանյութ, որը ցույց է տալիս վթարված ինքնաթիռի վրա առաջացած անցքեր: Ոմանք ենթադրում են, որ անցքերը մնացել են հրետակոծության կամ բեկորային պայթյունի հետևանքով։ Սակայն դրանք կարող էին առաջանալ նաև օդանավի գետնին բախվելու հետևանքով։

Հիշեցնենք` դեկտեմբերի 25-ին Ղազախստանի Ակտաու քաղաքի մերձակայքում ընկել ու բռնկվել է Azerbaijan Airlines ավիաընկերության Embraer 190 ինքնաթիռը, որը կատարում էր Բաքվից Գրոզնի չվերթը: Այն աղետի է ենթարկվել օդանավակայանի հարևանությամբ։ Ինքնաթիռում եղել է 62 ուղևոր և անձնակազմի 5 անդամ։ Ըստ Ադրբեջանի գլխավոր դատախազության՝ 32 մարդ ողջ է մնացել։