Ադրբեջանի հետ սահմանակից իրանական քաղաքում ՌԴ քաղաքացի է սպանվել
Իրանի հյուսիսում գտնվող Գիլան նահանգում ՌԴ քաղաքացիություն ունեցող բեռնատարի վարորդի դի է հայտնաբերվել: Այս մասին «ՌԻԱ նովոստի»-ին հայտնել են Թեհրանում ՌԴ դեսպանատան մամուլի ծառայությունից։ Ըստ տեղեկություների նրան սպանել են:
«Այս տարվա դեկտեմբերի 16-ին Աստարա քաղաքի մերձակայքում գտնվող այգում հայտնաբերվել է ծնունդով դաղստանցի ՌԴ քաղաքացու դիակ, որը բեռնատարի վարորդ էր»,-պատմել են դիվանագիտական կառույցից։
Նրանք պարզաբանել են, որ իրանական իշխանություններն այժմ հետաքննություն են անցկացնում, որը գտնվում է Ռեշտում ՌԴ գլխավոր հյուպատոսության և Իրանում դեսպանատան վերահսկողության ներքո։
«Ռուսական կողմը կոչ է անում մեր իրանցի գործընկերներին շտապ և մանրակրկիտ հետաքննել, պատժել մեղավորներին և կարգուկանոն հաստատել Աստարայի սահմանային անցակետում»,- հավելել են դիվանագետները։
