Բլինքենը չհայտարարված այցով ժամանել է Իրաք
ԱՄՆ պետքարտուղար Էնթոնի Բլինքենը չհայտարարված այցով ժամանել է Իրաք՝ իր մերձավորարևելյան շրջագայության շրջանակներում՝ Իրաքի վարչապետ Մուհամեդ Շիա ալ-Սուդանիի հետ տարածաշրջանում իրավիճակը քննարկելու համար:Այս մասին հայտնում է AP-ն՝ վկայակոչելով Պետդեպարտամենտին։
«Բլինքենը կքննարկի տարածաշրջանային անվտանգության հնարավորություններն ու մարտահրավերները, ինչպես նաև Միացյալ Նահանգների շարունակական աջակցությունը Սիրիայում բոլոր կողմերին ներգրավելու համար՝ ապահովելու ներառական քաղաքական անցում», - ասել են Պետդեպարտամենտից:
Բացի այդ, այցի ընթացքում Բլինքենը «կընդգծի Միացյալ Նահանգների հավատարմությունը ԱՄՆ-ի և Իրաքի ռազմավարական գործընկերությանը, ինչպես նաև Իրաքի անվտանգությանը, կայունությանը և ինքնիշխանությանը»:
