Զելենսկու «հիմար» որոշումն է. Թրամփ

ԱՄՆ նախագահական ընտրություններում հաղթած Դոնալդ Թրամփը հայտարարել է, որ դեմ է Ուկրաինայի զինված ուժերի կողմից Ռուսաստանի Դաշնությանն ամերիկյան հեռահար հրթիռներով հարվածելուն՝ նշելով, որ դա հանգեցնում է հակամարտության էլ ավելի սրման։

«Ես կտրականապես համաձայն չեմ Ռուսաստան հարյուրավոր մղոններ խորությամբ հրթիռներ ուղարկելու հետ: Ինչո՞ւ ենք մենք դա անում: Մենք պարզապես սաստկացնում ենք այս պատերազմը և ավելի ենք վատացնում այն», - ասել է Թրամփը Time ամսագրին տված հարցազրույցում:

Բացի այդ, Թրամփը հայտարարել է, որ պատրաստվում է օգտագործել ԱՄՆ-ի օգնությունն Ուկրաինային՝ որպես Ռուսաստանի վրա լծակ՝ հակամարտության դադարեցման բանակցություններում։

Թրամփը նաև հավելել է, որ այս պահին ամենավտանգավոր իրավիճակը Զելենսկու «հիմար» որոշումն է՝ հրթիռային հարվածներ հասցնել Ռուսաստանին: