Թրամփը չի բացառել Իրանի հետ հնարավոր պատերազմը
ԱՄՆ նորընտիր նախագահ Դոնալդ Թրամփը, պատասխանելով ԱՄՆ-ի և Իրանի միջև լայնամասշտաբ զինված հակամարտության հավանականության մասին հարցին, ասել է, որ նման զարգացումը չի կարելի բացառել։
«Ինչ ասես կարող է պատահել: Ինչ ասես կարող է պատահել: Դա շատ անկայուն իրավիճակ է»,- ասել է նա Time ամսագրին տված հարցազրույցում։
Ավելի վաղ Թրամփը նաև հայտարարել է, որ դեմ է Ուկրաինայի զինված ուժերի կողմից Ռուսաստանի Դաշնությանն ամերիկյան հեռահար հրթիռներով հարվածելուն՝ նշելով, որ դա հանգեցնում է հակամարտության էլ ավելի սրման։
