Մեդվեդևը Սի Ծինփինին է փոխանցել Պուտինի «անձնական ուղերձը»
ՌԴ Անվտանգության խորհրդի փոխնախագահ Դմիտրի Մեդվեդևը Պեկինում հանդիպել է Չինաստանի ղեկավար Սի Ծինփինի հետ և Ռուսաստանի նախագահ Վլադիմիր Պուտինի «անձնական ուղերձը» փոխանցել նրան: Այս մասին հայտնում է kommersant.ru-ն:
Բանակցություններն ընթանում են Մեդվեդեւի Չինաստան կատարած երկօրյա աշխատանքային այցի շրջանակում։ Սպասվում է, որ նրանք կքննարկեն երկրների ղեկավարների կողմից ձեռք բերված պայմանավորվածությունների կատարման ընթացքը։
«Ես անկեղծորեն ուրախ եմ Ձեզ կրկին տեսնելու համար: Երկու տարի առաջ նման հանդիպում եղել է, իսկ այժմ այն տեղի է ունենում նաև մեր իշխող կուսակցությունների միջև փոխգործակցության գծով»,- ասել է Դմիտրի Մեդվեդևը բանակցությունների ժամանակ:
Բացի անձնական ուղերձից, նա Սիին փոխանցել է ՌԴ նախագահի ողջույններն ու բարեմաղթանքները։
Դմիտրի Մեդվեդևի նախորդ այցը Չինաստան տեղի է ունեցել 2022 թվականի դեկտեմբերին։
