10 հազար հայ հայտնվել է զինյալների հսկողության ներքո գտնվող հատվածում. Սինանյան
ՀՀ Սփյուռքի գործերի գլխավոր հանձնակատար Զարեհ Սինանյանը բոլոր հնարավոր միջոցներով փորձում է կապ պահել Սիրիայի հայ համայնքի ներկայացուցիչների հետ՝ վերջին ռազմական լարվածության հետևանքով ստեղծված իրավիճակի շուրջ տեղեկություններ ստանալու և հնարավոր աջակցություն ցուցաբերելու համար, այս մասին փոխանցում է «Արմենպրես»-ը:
Նրա խոսքով՝ ռազմական վերջին լարման հետևանքով լուրջ իրավիճակ է ստեղծվել Հալեպում, որտեղ մոտ 10 հազար հայ հայտնվել է զինյալների հսկողության ներքո գտնվող հատվածում:
Ըստ Սինանյանի՝ հալեպահայերը նախընտրում են մնալ տներում քանի որ չեն կարող դուրս գալ քաղաքից, ուստի տարհանման հնարավորությունն առայժմ բացակայում է:
Քեսաբում և Դամասկոսում անհանգիստ իրավիճակ է ստեղծվել շարունակվող ռազմագործողությունների հետևանքով: Ինչպես հայտնեց Սինանյանը, Սիրիայի կառավարական զորքերին չի հաջողվել կասեցնել զինյալների առաջխաղացումը:
Սփյուռքի գործերի գլխավոր հանձնակատարը նշել է,որ համեմատաբար հանգիստ իրավիճակը է Լաթաքիայում: Այն քաղաքներում, որտեղ իրավիճակը համեմատաբար հանգիստ է,տեղի հայերն անհանգստացած են ռազմագործողությունների թատերաբեմում հայտնված բնակավայրերում գտնվող իրենց հարազատների համար:
Նմանատիպ հոդվածներ
Երեխաներին վիրահատում են առանց անզգայացման․ իրավիճակը Գազայում
Իրավիճակը՝ Հալեպի հայ համայնքում
Ռուս զինվորականների զոհերի թիվն` Ուկրաինայում
Սիրիայի նախագահին խորհուրդ են տվել լքել երկիրը
Ավելին Ռազմական բաժնից
«Հեզբոլլահը» պատրաստ է երկարատև պատերազմի Իսրայելի հետ. Նաիմ Քասեմ
Էրդողանը հայտարարություն է տարածել
Մեզ Ուկրաինայի օգնությունը պետք չէ. Թրամփ
