«Հեշտ գործընթաց չէ». Կոպիրկին

Ռուսաստանը կարծում է, որ ռուս-հայկական դաշնակցային փոխգործակցությանը, այդ թվում՝ ՀԱՊԿ շրջանակներում, համադրելի իրական այլընտրանքներ չկան: Այս մասին հայտնել է Հայաստանում ՌԴ դեսպան Սերգեյ Կոպիրկինը՝ «Իզվեստիա»-ին տված հարցազրույցում։

«Մոսկվան ակնկալում է, որ Երևանը գործուն կերպով կմիանա Եվրասիայում անվտանգության հավասար և անբաժանելի համակարգի մշակման համատեղ ջանքերին, որի գաղափարն առաջ է քաշվել նախագահ Պուտինի կողմից»,- ասել է դեսպանը:

Ռուսաստանը շարունակում է հավատարիմ մնալ Հայաստանի անվտանգության ապահովման իր պարտավորություններին ինչպես երկկողմ ձևաչափով, այնպես էլ ՀԱՊԿ գծով։

Կոպիրկինը խոսել է նաև Երևանի և Բաքվի միջև հարաբերությունների մասին. «Հեշտ գործընթաց չէ և ժամանակ է պահանջում, իսկ Մոսկվան պատրաստ է գործընկերներին օգնություն տրամադրել կարգավորման հարցում՝ հետևելով եռակողմ պայմանավորվածությունների տառին և ոգուն։ Նման աջակցության ձևերն ու ծավալներն պետք է ընտրեն հենց բանակցող կողմերին».- նշել է նա։