Շոլցը` ՌԴ-ի կողմից «Օրեշնիկ» հրթիռով հարձակման մասին
Գերմանիայի կանցլեր Օլաֆ Շոլցը սարսափելի էսկալացիա է անվանել Ռուսաստանի զինված ուժերի «Օրեշնիկ» նորագույն միջին հեռահարության հրթիռային համակարգով հարվածը Ուկրաինայի տարածքում։
«Այն փաստը, որ Պուտինն այժմ նաև միջին հեռահարության հրթիռ է օգտագործել Ուկրաինայի տարածքը հարվածելու համար սարսափելի էսկալացիա է», - ասել է Շոլցը` ելույթ ունենալով Բեռլինում Գերմանիայի Սոցիալ-դեմոկրատական կուսակցության համագումարում:
Հիշեցնենք` նոյեմբերի 21-ին, ՌԴ նախագահ Վլադիմիր Պուտինը հայտարարել էր, որ ի պատասխան արևմտյան երկրների գործողությունների՝ Ռուսաստանը «Օրեշնիկ» միջին հեռահարության հրթիռային համակարգով հարվածել է Ուկրաինային:
