ՀՀ-ն խորացված բանակցությունների մեջ է Հնդկաստանի հետ. IDRW
Նախնական 6 հաուբիցների հաջող փորձարկումներից հետո Հայաստանը խորացված բանակցությունների մեջ է Հնդկաստանից ձեռք բերելու ևս 78 ATAGS հրետանային համակարգեր: Այս մասին հայտնում է Indian Defence Research Wing (IDRW) լրատվականը։
«Նախատեսվող գործընթացը հաջորդել է ATAGS-ների փորձարկումների հաջող ցուցանիշներին, որոնք մատակարարվել են Հայաստան։ Հրետանային համակարգերի փորձարկումները հաստատել են դրանց ճշգրտությունը և հուսալիությունը»,- գրում է լրատվականը:
Ըստ լրատվականի նախատեսվող գործարքը ամրացնում է Հայաստանի և Հնդկաստանի միջև աճող պաշտպանական համագործակցությունը։ Մինչ այդ Հայաստանը գնել էր Pinaka կայանքներ և այլ պաշտպանական սպառազինություն:
