Նա կարող էր հոգեբանական և մտավոր տառապանքներ ունենալ․ Հաջիև
Ադրբեջանի նախագահի օգնական Հիքմեթ Հաջիևը կոշտ քննադատության է ենթարկել կոնգրեսական Ֆրենկ Փալոնեին և սենատոր Էդ Մարկիին: X սոցցանցի իր հրապարակման մեջ Հաջիևը նշել է, որ Փալոնը և Մարկին, Բաքու կատարած այցից հետո վերադառնալով ԱՄՆ, կրկին արդյունքները ներկայացնում են այն տեսքով, որը համապատասխանում է նրան, ինչ ցանկանում է լսել, ըստ Հաջիևի, հայկական լոբբին:
Հրապարակման մեջ ասվում է․ «(I)1.Ես հանդիպել եմ սենատոր Էդ Մարկիին՝ իր խնդրանքով:
2. Հիշեցրել եմ նրան, որ Խոջալուի ցեղասպանությունից հետո, որը Հայաստանն իրականացրել է ադրբեջանական ժողովրդի դեմ, ԱՄՆ Կոնգրեսը անարդարացիորեն ընդունել է 907-րդ ուղղումը։
3. Նշել եմ, որ հայկական ռազմական օկուպացիան և 30 տարիների ընթացքում ավելի քան մեկ միլիոն ադրբեջանցիների էթնիկ զտումները․ ոչ ինքը, ոչ իր գործընկերները չեն հիշել արդարության մասին: Ընդհակառակը, նրանք շարունակեցին աջակցել Ադրբեջանի դեմ Հայաստանի ռազմական ագրեսիային։
4. Ընդգծել եմ, որ Ադրբեջանում անջատողական ռազմական հանցագործների, այդ թվում՝ զենքի ապօրինի վաճառքով զբաղվող Ռուբեն Վարդանյանի հանցագործությունների հետաքննությունները, որն Ուկրաինայում անջատողականությունն էր պաշտպանում եւ զբաղվում էր փողերի լվացմամբ, տրամաբանական ավարտին կհասցվեն, եւ նրանք կկանգնեն դատարանի առջեւ:
5. Հայտարարել եմ, որ ազգությամբ հայ բնակիչները քաղաքացիություն ստանալու համար կարող են դիմել միայն անհատական կարգով, և նրանց վերադարձի հարցը կդիտարկվի մեր երկրի օրենքներին համապատասխան, եթե քաղաքացիություն տրվի: Սակայն դա կարող է տեղի ունենալ միայն փոխադարձաբար և Հայաստանից վտարված ադրբեջանական բնիկ բնակչության վերադարձի իրավունքի ճանաչմանը զուգահեռ։
6. ԱՄՆ-ում հայկական լոբբին շարունակում է քաղաքականապես թունավոր միջավայր ստեղծել։ Դրանք խնդրի մի մասն են:
7. Խորհուրդ ենք տվել Ներկայացուցիչների պալատի և Սենատի անդամներին զերծ մնալ հայկական լոբբիի գործիք դառնալուց։ Մենք քայլ առ քայլ մոտենում ենք տարածաշրջանում Հայաստանի հետ խաղաղությանը։ Սակայն ամերիկյան որոշ օրենսդիրներ, որոնք հրահրվում են հայկական լոբբիի կողմից, խոչընդոտում են տարածաշրջանային խաղաղությանը, հրաժարվում են ճանաչել իրականությունը տեղերում և փորձում են մեզ հետ բերել անցյալ:
(II). Ինչ վերաբերում է Փալոնին, ապա թվում է, որ նա կարող էր հոգեբանական և մտավոր տառապանքներ ունենալ՝ իր հյուրանոցի պատուհանից նայելով մոտակա Գավաթների պուրակին, որտեղ ցուցադրված է օկուպացիոն հայկական բանակի ոչնչացված տեխնիկան, և նոյեմբերի 8-ին նախագահ Իլհամ Ալիևի կողմից բացված Հաղթանակի զբոսայգին:
Հնարավոր է, որ դա աստվածային հատուցում էր ադրբեջանական ժողովրդի նկատմամբ անարդարության համար, որին նա աջակցում էր տարիներ շարունակ:
Նախագահ Իլհամ Ալիեւը չի հանդիպել Փալոնեի հետ, ի տարբերություն Կոնգրեսի մյուս անդամների: Փալոնն արժանի չէ նման լսարանի։ Ինձ նույնպես բախտ է վիճակվել մասնակցել հանդիպմանը։ Այն անցավ շատ կառուցողական ոգով։ Փալոնը կրկին ու կրկին ստում է: Ադրբեջանում շոու կազմակերպելու նրա փորձը ձախողվեց։ Քաղաքացիները, ներառյալ ներքին տեղահանվածները, նահատակների ընտանիքները եւ քաղաքացիական հասարակության ներկայացուցիչները, օգտվել են խաղաղ հավաքների իրենց իրավունքից՝ խաղաղ բողոքի ակցիա անցկացնելով: Լրագրողները նրան հարցրել են, թե որքան գումար է նա ստացել հայկական լոբբիից։ Դա խուճապ առաջացրեց Փալոնի մոտ։ Սա իրական պատմության ավարտն է»,- նշվում է Արդբեջանի նախագահի օգնականի հայտարարության մեջ:
