ԱՄՆ Կոնգրեսն առանց Թրամփի համաձայնության նման բան չի անի Ռուսաստանի դեմ
ԱՄՆ Կոնգրեսը չի պլանավորում փորձել ինքնուրույն ընդունել Ռուսաստանի դեմ նոր պատժամիջոցների փաթեթ և այս քայլը կանի միայն ԱՄՆ նախագահ Դոնալդ Թրամփի հետ իր գործողությունները համակարգելուց հետո։ Այս մասին CBS News հեռուստաալիքի եթերում հայտարարել է ԱՄՆ Ներկայացուցիչների պալատի խոսնակ, հանրապետական Մայք Ջոնսոնը։
«Կոնգրեսը իսկապես չի կարող դա անել ինքնուրույն, քանի որ, իհարկե, նախագահը պետք է ստորագրի մեր կողմից ընդունվող ցանկացած օրենսդրություն։ Այսպիսով, դա պետք է լինի գործընկերային, բայց մենք այն ներկայացրել ենք գերագույն գլխավոր հրամանատարին:
Նախագահ Դոնալդ Թրամփը համաշխարհային ասպարեզում ուժեղ և քաջարի առաջնորդ է։ Նա աշխատել է ամբողջ աշխարհում խաղաղության համար և լուծել է այլ հակամարտություններ այնպես, ինչպես ոչ ոք չի արել։ Եվ այդ պատճառով մենք կարծում ենք, որ նա կարող է օգտագործել նույն ուժը և նույն մոտեցումը՝ Ուկրաինայում այս պատերազմը վերջապես դադարեցնելու համար։ Ամերիկայում բոլորը ցանկանում են, որ այս արյունահեղությունը դադարեցվի, և նախագահ Թրամփը դա իրականացնում է», - հավելել է Ջոնսոնը։
