Աբխազիայի նախագահը հրաժարական կտա

Կառավարության և ընդդիմության ներկայացուցիչները բանակցություններից հետո համաձայնագիր են ստորագրել, ըստ որի՝ Աբխազիայի Հանրապետության նախագահ Ասլան Բժանիան հրաժարական է տալիս, հայտնում է պետության ղեկավարի մամուլի ծառայությունը։

«Երկրում կայունությունը և սահմանադրական կարգը պահպանելու համար, Աբխազիայի Հանրապետության Սահմանադրության 65-րդ հոդվածի համաձայն, ես հրաժարական եմ ներկայացնում Աբխազիայի Հանրապետության նախագահի պաշտոնից», - ասվում է Բժանիայի հայտարարության մեջ:

Ըստ պայմանավորվածության՝ կառավարական շենքերի տարածքում և ներսում հավաքված քաղաքացիները պետք է ցրվեն նոյեմբերի 19-ին։ Եթե ​​այս կետը չկատարվի, ապա նախագահ Բժանիան հետ կկանչի իր հրաժարականը:

Աբխազիայի Հանրապետության ժողով-խորհրդարանը կքննարկի Աբխազիայի նախագահ Բժանիայի հրաժարականը նոյեմբերի 19-ին, իսկ ներկայիս փոխնախագահ Բադրա Գյունբան կդառնա նախագահի պաշտոնակատարը։ 

Ներկայիս նախարարներն իրենց պարտականությունները կատարում են այնքան ժամանակ, քանի դեռ Աբխազիայի Հանրապետության նորընտիր նախագահը չի ստանձնել իր պարտականությունները, ինչպես նշված է կառավարության և ընդդիմության ներկայացուցիչների համաձայնագրում։