Ռուսաստանի արձագանքն այս դեպքում կլինի համարժեք և շոշափելի. Զախարովա
Եթե Ուկրաինան արևմտյան հեռահար հրթիռներով հարված հասցնի Ռուսաստանի Դաշնության վրա, դա կնշանակի ԱՄՆ-ի անմիջական մասնակցություն Ռուսաստանի դեմ ռազմական գործողություններին, ինչպես նաև հակամարտության էության արմատական փոփոխություն։ Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան:
Այսպիսով նա մեկնաբանել է տեղեկությունը, թե Բայդենն իբր թույլ է տվել Կիևին հարվածել ռուսական տարածքի խորքերը ամերիկյան ATACMS հրթիռներով, իսկ Ֆրանսիայի և Մեծ Բրիտանիայի կողմից համապատասխանաբար SCALP և STORM SHADOW հրթիռներով:
«Դեռ հայտնի չէ, թե արդյոք այս պնդումները հիմնված են պաշտոնական աղբյուրների վրա»,– ասել է նա:
Ըստ Զախարովայի՝ Կիևի ռեժիմի պարտությունների ֆոնին նրա արևմտյան հովանավորները խաղադրույք են կատարում Ռուսաստանի դեմ սանձազերծված հիբրիդային պատերազմի առավելագույն սրման վրա՝ փորձելով հասնել «Մոսկվային ռազմավարական պարտություն պատճառելու» պատրանքային նպատակին։ Այնուամենայնիվ, ոչ մի «հրաշք զենք», որի համար աղոթում են Զելենսկին և նրա կամակատարները, չեն կարող ազդել Հատուկ ռազմական գործողության ընթացքի վրա:
Հիշեցնենք, որ ՌԴ նախագահն ընդգծել է, որ Ուկրաինան ինքը հնարավորություն չունի նման հարվածներ հասցնել առանց տիեզերական արբանյակների օգտագործման և ՆԱՏՕ-ի երկրների զինվորականների կողմից թռիչքային առաքելությունների ներդրման։
«Կիևի կողմից հեռահար հրթիռների օգտագործումը մեր տարածքի վրա հարձակվելու համար կնշանակի ԱՄՆ-ի և նրա արբանյակների անմիջական մասնակցությունը Ռուսաստանի դեմ ռազմական գործողություններին, ինչպես նաև հակամարտության էության և բնույթի արմատական փոփոխություն։
Ռուսաստանի արձագանքն այս դեպքում կլինի համարժեք և շոշափելի»,– ասել է Զախարովան:
