19:00 Լուրերը մեկ տողով. Երևանի ավագանու ծեծկռտուքի տուժողը ու միլիոնավոր եվրոների նոր վարկ

Անցած ժամվա լուրերը՝ հակիրճ և բովանդակային.

•«Քաղաքացիական պայմանագիր» կուսակցության վարչության նիստում փակ, գաղտնի քվեարկությամբ կընտրվի Ազգային ժողովի նախագահի թեկնածուն։

•Դատախազությունը Կենտրոնական ընտրական հանձնաժողով է ներկայացրել «Բարգավաճ Հայաստան» կուսակցության առաջնորդին անձեռնմխելիությունից զրկելու միջնորդություն։

•Վերաքննիչ դատարանը փոխել է Մասիսի նախկին քաղաքապետի խափանման միջոցը՝ տնային կալանքը փոխարինելով վարչական հսկողությամբ։

•Երևանի քաղաքապետարանում տեղի ունեցած ծեծկռտուքի քրեական գործով ավագանու ընդդիմադիր անդամը տուժող է ճանաչվել։

•Վերաքննիչ դատարանը մերժել է հավաքներին նյութապես շահագրգռելու և փողերի լվացման մեջ մեղադրվող «Ուժեղ Հայաստան» կուսակցության անդամի կալանքը փոխելու միջնորդությունը։

•Մարդու իրավունքների պաշտպանն ընդունել է ընդդիմադիր գործչի իրավունքների հարցով մտահոգ անձանց և ներկայացրել քրեակատարողական հիմնարկ կատարած այցի մանրամասները։

•Հայաստանի կառավարությունը պետական բյուջեի դեֆիցիտի համալրման նպատակով ՕՊԵԿ-ի Միջազգային զարգացման հիմնադրամից 80 միլիոն եվրոյի վարկ կվերցնի։

•Իրաքը դիտարկում է ՕՊԵԿ-ից դուրս գալու հնարավորությունը, եթե կազմակերպությունը չբարձրացնի երկրի նավթի արդյունահանման սահմանաչափը։

•Ռուսաստանը պատասխան քայլով «անցանկալի անձ» է հայտարարել Ռումինիայի գլխավոր հյուպատոսին և փակում է Սանկտ Պետերբուրգում գործող հյուպատոսությունը։