Դոնալդ Թրամփը ՆԱՏՕ-ի դաշնակիցներից հավատարմություն է պահանջում

ԱՄՆ նախագահ Դոնալդ Թրամփը հայտարարել է, որ ցանկանում է հավատարմություն տեսնել ՆԱՏՕ-ի դաշնակիցներից

Սպիտակ տանը Դաշինքի գլխավոր քարտուղար Մարկ Ռյուտեի հետ կայացած հանդիպման ընթացքում Թրամփը հավատարմության խնդիրը շաղկապել է դաշնակից երկրների պաշտպանական ծախսերի հետ։ Միացյալ Նահանգների նախագահը կրկին հայտնել է իր հիասթափությունը, որ ՆԱՏՕ-ի անդամ պետությունները չեն ներգրավվել Իրանի դեմ իրականացված ռազմական գործողություններին։ «Մենք նույնիսկ դրա կարիքը չունեինք, բայց լավ կլիներ, եթե նրանք անեին դա»,- նշել է ԱՄՆ ղեկավարը։

Մինչ Սպիտակ տան ղեկավարի հետ հանդիպումը, Ռյուտեն արձանագրել է, որ Իրանի հետ զինված հակամարտության ընթացքում ՆԱՏՕ-ի դաշնակիցները լոգիստիկայի բնագավառում չափազանց ակտիվ կերպով օգնել են ամերիկյան զորքերին։ Ռյուտեի այցը Սպիտակ տուն տեղի է ունեցել այս համատեքստում։