Վենեսուելայի երկրաշարժից հետո կան վիրավոր և անհետ կորած հայեր

Արամ Ա Վեհափառ Հայրապետը ուշադրությամբ հետևում է Վենեսուելայի երկրաշարժի հետևանքով հայ համայնքի առջև ծառացած դժվարություններին, հայտնում են Մեծի Տանն Կիլիկիո Կաթողիկոսությունից:

«Սրբազան հոր փոխանցած տեղեկությունների համաձայն՝ երկրաշարժը սարսափելի ցնցում է առաջացրել, իսկ նյութական և մարդկային վնասները բազմաթիվ են։ Երկրաշարժի հետևանքով, ցավոք, երկու հայ ընտանիքների տներ ավերվել են, ինչպես նաև կան մի քանի վիրավոր և անհետ կորած հայորդիներ»,-հայտնում են Կաթողիկոսությունից։