Սիսիանի զբոսայգուց ևս մեկ հողամաս վերադարձվեց համայնքին․ ևս 13-ի հարցը ընթացքի մեջ է

Սյունիքի մարզի դատախազության ուսումնասիրությամբ պարզվել է, որ Սիսիանի «Մայիսի 28» զբոսայգում գտնվող 0,045 հա հողատարածքը օրենքի պահանջների խախտմամբ կառուցապատման իրավունքով հատկացվել էր ֆիզիկական անձի։

Դատախազի միջնորդությունից հետո հողամասի նկատմամբ 2007 թվականին տրամադրված կառուցապատման իրավունքը դադարեցվել է, և տարածքը վերադարձվել է Սիսիան համայնքի տիրապետմանը։ Հողամասի կադաստրային արժեքը՝ շուկայականին մոտարկված, կազմում է շուրջ 845 հազար դրամ։

Դատախազության տվյալներով՝ «Մայիսի 28» զբոսայգու հողատարածքները կառուցապատման իրավունքով տրամադրվել են ընդհանուր 17 անձի։

Դատախազական ներգործության արդյունքում մինչ այժմ 5 անձի տրամադրված 7 հողատարածք՝ ընդհանուր 4103,68 քմ մակերեսով, արդեն վերադարձվել է համայնքին։

Նշենք, որ Սյունիքի մարզի Սիսիան համայնքի «Մայիսի 28-ի» անվան զբոսայգին զբաղեցնում է 9595.68 քմ տարածք, որտեղ գտնվող հողատարածքները կառուցապատման իրավունքով կնքված պայմանագրերով հատկացվել են 17 անձի:

Դատախազական ներգործության արդյունքում՝ նշված այգում գտնվող հողատարածքներից Սիսիան համայնքին արդեն վերադարձվել է 5 անձի տրամադրված 4103,68 քմ մակերեսով 7 հողատարածք: 

Դրանք են՝

1. 0,0450 հա մակերեսով հողամասը,
2. 0,05 հա մակերեսով հողամասը,
3. 0,0451 հա մակերեսով հողամասը,
4. 0,08 հա մակերեսով հողամասը,
5. 0,02 հա մակերեսով հողամասը,
6. 0,0402 հա մակերեսով հողամասը,
7. 0,13 հա մակերեսով հողամասը:

12 անձի տրամադրված 13 հողատարածքները համայնքին վերադարձնելու աշխատանքներն ընթացքի մեջ են: