ՏԵՍԱՆՅՈՒԹ. «Մոսկվա» կինոթատրոնի ամառային դահլիճը կվերականգնվի՝ պահպանելով պատմական տեսքը

Երևանի քաղաքապետարանի նախաձեռնությամբ մեկնարկել է «Մոսկվա» կինոթատրոնի ամառային դահլիճի վերականգնման և արդիականացման նախագիծը։

Քաղաքապետարանից հայտնել են, որ նախատեսվում է ամբողջությամբ պահպանել բացօթյա դահլիճի նախնական պատմական տեսքը՝ միաժամանակ այն համալրելով ժամանակակից լուծումներով։

Տարածքն արդեն ազատվել է ավելորդ կառուցապատումներից։ Ներկայում իրականացվում են նախագծային նախապատրաստական աշխատանքներ և կառույցի տեխնիկական վիճակի համալիր հետազոտություն։ Մասնագետները գնահատում են նաև հիմքերի վիճակն ու շենքի սեյսմակայունությունը։

Քաղաքապետարանում ակնկալում են, որ ճարտարապետներ Սպարտակ Կնտեղցյանի և Թելման Գևորգյանի նախագծած կառույցը վերականգնումից հետո կրկին կդառնա Երևանի կարևոր մշակութային կենտրոններից մեկը։