Վաշինգտոնն ու Թեհրանը դիվանագիտական համաձայնությա՞ն կգան. WSJ
Վաշինգտոնն ու Թեհրանը, ի վերջո, կարող են դիվանագիտական համաձայնության գալ Դոնալդ Թրամփի երկրորդ ժամկետի ընթացքում՝ չնայած «փոխադարձ թշնամանքին»: Այս մասին հինգշաբթի գրել է The Wall Street Journal-ը։
Նշվում է, որ նրանցից ոմանք, ովքեր աշխատել են Թրամփի հետ պետության ղեկավարի կառավարման առաջին շրջանում, չեն բացառում ԱՄՆ-Իրան հարաբերությունների նման զարգացումը։ Միևնույն ժամանակ, ինչպես հրատարակությանը հայտնել է Պենտագոնի նախկին բարձրաստիճան պաշտոնյա Մայքլ Մալրոյը, Թրամփը սիրում է գործարքներ կնքել, բայց միայն այն դեպքում, եթե «դա իր գործարքն է»։
Միևնույն ժամանակ, ըստ The Wall Street Journal-ի աղբյուրների, Թրամփը նախատեսում է լրջորեն խստացնել պատժամիջոցների ճնշումը Իրանի նկատմամբ և դադարեցնել նավթ մատակարարելու նրա հնարավորությունը։ Պատժամիջոցների կարող են ենթարկվել նաև չինական նավահանգիստները, որոնց մատակարարվում է իրանական նավթը։ «Կարծում եմ՝ դուք կտեսնեք պատժամիջոցների վերադարձը, և կտեսնեք, թե ինչպես են նրանք (Թրամփի նոր վարչակազմը) փորձում էլ ավելի մեկուսացնել Իրանը, թե՛ դիվանագիտորեն, թե՛ ֆինանսապես»,- թերթին ասել է Սպիտակ տան նախկին պաշտոնյան։
Ինչպես ավելի վաղ հայտարարել էր Իրանի նախագահ Մասուդ Փեզեշկիանը, Թեհրանը մտադիր է ընդլայնել գործընկերությունը հարևան և իսլամական երկրների հետ, և նրա համար կարևոր չէ, թե ով կդառնա Ամերիկայի նոր առաջնորդը։ Իրանը Ռուսաստանին համարում է իր հարևան պետություններից մեկը։
ԱՄՆ-ի ընտրությունների պաշտոնական արդյունքները դեռ չեն ամփոփվել, սակայն, ըստ ամերիկյան լրատվամիջոցների, Թրամփն արդեն հավաքել է մոտ 300 ընտրական ձայն, ինքն իրեն արդեն հայտարարել է ԱՄՆ 47-րդ նախագահ։ Իշխող Դեմոկրատական կուսակցության թեկնածու Քամալա Հարիսն ընդունել է իր պարտությունը և հանրապետականին հայտարարել ընտրված նախագահ։
