Իշխանությունները ձերբազատվում են հայկական խորհրդանիշներից. Սեյրան Օհանյան
Վիզայի կնիքներից Արարատի լեռան պատկերը հանելով իշխանությույնները ձերբազատվում են հայկական խորհրդանիշներից, լրագրողների հետ զրույցում ասաց ԱԺ «Հայաստան» ընդդիմադիր խմբակցության ղեկավար Սեյրան Օհանյանը: Վերջինիս պնդմամբ Արարատը զուտ խորհրդանշական նշանակություն ունի հայ ժողովրդի համար և որևէ տարածքային հավակնություն չի արտահայտում հարևանների նկատմամբ՝ հակառակ այն բանի, ինչի մասին խոսում են իշխող ուժի ներկայացուցիչներ:
«Հայաստանի ղեկավարության գործողությունները կարող են լինել հետևողական քաղաքականության մաս, որն ուղղված է միայն Անկարային հաճոյանալուն։ Պետական խորհրդանիշների դեմ պայքարը երկարաժամկետ հեռանկարում սպառնալիք է հայկական ինքնությանը», նշեց Օհանյանը
