Միրզոյանն անդրադարձել է Թուրքիայի հետ հարաբերություններին

Հայաստանը Թուրքիայի հետ ունի դինամիկ դրական երկխոսություն։ Այս մասին ԱԺ-ում մշտական հանձնաժողովների համատեղ նիստում 2025թ․ բյուջեի նախագծի ներկայացման ժամանակ ասաց ՀՀ ԱԳ նախարար Արարատ Միրզոյանը։

«Գաղտնիք չէ, որ Թուրքիան հարաբերությունների կարգավորումը կապում է հայ-ադրբեջանական գործընթացի հետ։ Մեր գնահատմամբ` դա այդքան էլ կառուցողական մոտեցում չէ։ Մենք Թուրքիայի հետ ունենք առանց նախապայմանների երկխոսություն, ունենք կոնկրետ պայմանավորվածություններ»,–ասաց Միրզոյանը։

Անդրադառնալով Թուրքիայի հետ պայմանավորվածություններին` նախարարը նշեց, որ սահմանը բացելուց բացի կան նաև փոքրամասշտաբ նախագծեր։

«Ես ուզում եմ կրկին լավատեսություն հայտնել, որ մոտ ապագայում կունենանք առաջընթաց»,–ասաց նա։