Առաջին անգամ հարձակում՝ Չեչնիայում Պուտինի անվան հատուկ նշանակության ուժերի համալսարանի վրա

Չեչենական Գուդերմես քաղաքում ռուսական հատուկ նշանակության ուժերի համալսարանի շենքի վրա հարձակում է եղել: Հարվածի հետևանքով հրդեհ է բռնկվել։ Դեպքի վայր են մեկնել արտակարգ իրավիճակների ծառայությունները: Բացի այդ, ժամանել են նաև իրավապահ մարմինները։

Չեչնիայի նախագահ Ռամզան Կադիրովը ևս հաղորդել է Չեչնիայում Պուտինի անվան հատուկ նշանակության ուժերի համալսարանի վրա հարձակման մասին։ Նրա խոսքով՝ հարվածի հետևանքով համալսարանի տարածքում այրվել է չգործող շենքի տանիքը:

Զոհեր եւ տուժածներ չկան: Հրդեհը մարվել է:

Համալսարանի աշխատանքը չի դադարեցվել, բոլոր ծառայություններն աշխատում են բնականոն ռեժիմով ։ Թե որքան է վնասվել շենքը, դեռ հայտնի չէ։ ԱԹՍ-ի հարձակումից հետո հաստատության պաշտոնական կադրեր դեռ չկան։ Ստուգումները և բոլոր հանգամանքների պարզումը շարունակվում են: