Այսքանը այս հարցի վերաբերյալ․ Սարգսյանն՝ Արդարադատության նախարարի թեկնածու լինելու մասին
ՀՀ ՆԳ նախարարի տեղակալ Արփինե Սարգսյանը չի մեկաբանում Արդարադատության նախարար նշանակվելու մասին խոսակցությունները։
«Ես այդ թեմայով որևէ մեկնաբանություն չեմ պատրաստվում տալ»,- ԱԺ-ում լրագրողների հետ զրույցում ասաց նա։
Սարգսյանը նշել է, թե ԱԺ է եկել որպես ՆԳ նախարարի տեղակալ։
«Ես այսօր այստեղ եմ որպես ՆԳ նախարարի տեղակալ: Այսքանը այս հարցի վերաբերյալ։ Որևէ այլ մեկնաբանություն չունեմ»,- հավելեց փոխնախարարը։
Հիշեցնենք, որ ՔՊ-ն ստորագրահավաք էր սկսել արդարադատության նախկին նախարար Գրիգոր Մինասյանի պաշտոնանկության համար։ Դրան հաջորդեց արդարադատության նորանշանակ փոխնախարար Սիրվարդ Գևորգյանի հրաժարականը։ Հոկտեմբերի 1-ին Մինասյանը հրաժարական տվեց ՀՀ արդարադատության նախարարի պաշտոնից, իսկ հոկտեմբերի 2-ին ՀՀ նախագահը ստորագրեց համապատասխան հրամանագիրը։
