Էրդողանի կոչը՝ միջազգային հանրությանը
Մերձավոր Արևելքում Իսրայելի ագրեսիայի դադարեցումը հնարավոր է միջազգային հանրության համատեղ ջանքերով: Այս մասին Թուրքիայի նախագահ Ռեջեփ Թայիփ Էրդողանը հայտարարել է Իտալիայի վարչապետ Ջորջիա Մելոնիի հետ հեռախոսազրույցում։
«Նախագահ Էրդողանն ասել է, որ Իսրայելը ընդլայնել է կրակի գոտին Մերձավոր Արևելքում՝ անտեսելով բոլոր նախազգուշացումները, միջազգային հանրությունը միասին պետք է գործի Իսրայելի ագրեսիան դադարեցնելու համար»,- ասել է Թուրքիայի ղեկավարի գրասենյակը։
Հաղորդագրության մեջ ասվում է․ «Նախագահ Էրդողանը նաև ասել է, որ Իսրայելի հարձակումները պաղեստինյան տարածքների, այդ թվում՝ Գազայի, ինչպես նաև Լիբանանի և ՄԱԿ-ի առաքելությունների վրա անընդունելի են։ Նա նշել է, որ Թուրքիան կշարունակի ջանքեր գործադրել տարածաշրջանում խաղաղության հասնելու համար»։
