ԼՈՒՍԱՆԿԱՐ. Բեռնատարը բեռնաթափման ժամանակ ընկել է փոսը. ՆԳՆ
Փրկարարները բեռնատարը դուրս են բերել փոսորակից: Այս մասին հայտնում է ՀՀ ՆԳՆ Փրկարար ծառայությունը:
Նշվում է, որ հոկտեմբերի 21-ին, ժամը 19:15-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Այծեմնիկ Ուրարտուի փողոցի թիվ 62 հասցեում բեռնատար ավտոմեքենան ընկել է փոսի մեջ․ դուրս բերելու համար անհրաժեշտ է փրկարարների օգնությունը։
«Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ «KamAZ» մակնիշի բեռնատարը (վարորդ՝ Հ․ Գ․) բեռնաթափման ժամանակ հայտնվել է փոսորակի մեջ (մոտ 1 մ)։
Փրկարարները քարշակման միջոցով բեռնատարը դուրս են բերել փոսորակից»,– գրում է ծառայությունը։
