Օդեսայում սպանված է գտնվել աղմկահարույց գործարար Գենադի Բեյբությանը
Օդեսայում հրազենային վիրավորումով հայտնաբերվել է աղմկահարույց պատմություններով հայտնի գործարար Գենադի Բեյբությանի մարմինը, գրում է Strana.ua-ն։
Գործարարը ռուսական և ուկրաինական ԶԼՄ-ներում ներկայացվում է որպես մի կազմակերպության ղեկավար, որն անմիջականորեն ներգրավված է եղել քաղաքացիների հարկադիր մոբիլիզացմանը։
Նրա դիակը հրազենային վնասվածքներով հայտնաբերվել է հոկտեմբերի 18-ին Ստարոլուստդորֆ ճանապարհին գտնվող մեքենայի մոտ։ ԶԼՄ-ները գրում են, որ հետաքննությունը դիտարկում է սպանության և ճանապարհին կոնֆլիկտի վարկածները։
Ըստ ուկրաինական լրատվամիջոցների՝ Գենադի Բեյբությանը «Ավտոտեխ», «Ավտոշլյախ Յուգ» և «Ժիլսերվիս» ընկերությունների սեփականատերն է։ Բացի այդ, նա գլխավորում էր «Լագունա» կոոպերատիվը և «Իրավապահ մարմինների աջակցության բաժին» հասարակական կազմակերպությունը։
