Իսրայելի կողմից Լիբանանին ավիահարվածներ հասցնելու հետևանքով սպանվել է «Հզբոլլահ» շարժման գլխավոր քարտուղար Հասան Նասրալլայի դուստրը` Զեյնաբ Նասրալլան։

Այդ հարվածները հասցվել են Բեյրութի հարավային հատվածում։

Ավելի վաղ Զեյնաբ Նասրալլան բազմիցս հրապարակային հայտարարություններով է հանդես եկել` ի աջակցություն «Հզբոլլահի»։ 2022 թվականին Al Manar հեռուստաալիքին տված հարցազրույցների մեկում նա ասել է, որ երբ իր եղբայր Հադին նահատակ է դարձել, այդ ժամանակ ծնողները մի կաթիլ արցունք անգամ չեն թափել։

Հասան Նասրալլայի ավագ որդին` Հադին, «Հզբոլլահի» մարտական թևի անդամ է եղել, զոհվել է 1997 թվականին` իսրայելցի զինվորականների դեմ մարտում։