Հայաստանի հավաքականի փայլուն հաղթանակն ու դիրքը Համաշխարհային օլիմպիադայում
Բուդապեշտում ընթացող շախմատային օլիմպիադայի 5-րդ տուրում Հայաստանի կանանց հավաքականը 5-րդ հաղթանակը տարավ
Մեր թիմը 2.5:1.5 հաշվով առավելության հասավ մրցաշարի գլխավոր ֆավորիտներից Չինաստանի հավաքականի նկատմամբ: Հայաստանի հավաքականի կազմում մեկ միավոր վաստաեցին Լիլիթ Մկրտչյանը և Աննա Սարգսյանը: 100 տոկոսանոց արդյունքով այս մեր կանանց հավաքականը Հնդկաստանի և Մոնղոլիայի հետ կիսում է առաջին հորիզոնականը:
Առաջին չորս խաղափուլերում Հայաստանի կանանց թիմը պարտության էր մատնել Տրինիդադ և Տոբագոյի թիմին, Մեքսիկայի թիմին, Հունգարիայի երկրորդ թիմին և Վիետնամի թիմին:
Այսօր տղամարդկանց հավաքականը 2.5:1.5 հաշվով առավելության է հասել Շվեդիայի հավաքականի նկատմամբ: Թիմին հաղթական միավոր է բերել Գաբրիել Սարգսյանը:
Առաջին երեք խաղափուլերում Հայաստանի տղամարդկանց թիմը պարտության էր մատնել Մալթայի թիմին (4:0), Անդորրայի թիմին (3:1) և Բրազիլիայի թիմին (3:1), իսկ չորրորդ խաղափուլում զիջել էր Չինաստանի թիմին (1.5:2.5):
